ಮುಗ್ಧ ಮನಸುಗಳಲ್ಲಿ ಜ್ಞಾನದೀವಿಗೆ ಬೆಳಗಿ ಸಚ್ಚರಿತರಾಗಿಸಲು ಕಾಯವನೆ ಸವೆಸಿದಿರಿ ವಿದ್ಯಾರ್ಥಿ ಗುಂಪಿನಲಿ ಎಲ್ಲರೂ ಮುಗ್ಧರೇ? ಇರಬಹುದು ಒಂದಷ್ಟು ಮಂದಿ ಕೆಟ್ಟವರು ಹರಿಣಗಳ ತೋಟದಲ್ಲಿ ವ್ಯಾಘ್ರ ನೆಲೆಸಿದರೇನು? ಪುಣ್ಯಕೋಟಿಯು ನೀವು ಪಳಗಿಸುತವರಲ್ಲಿನ ಕ್ರೌರ್ಯವನ್ನು ಕಳೆದು ನೇರ್ಪುಗೊಳಿಸಿದಿರಿ ಪಠ್ಯವಷ್ಟೇ ಪಾಠವಲ್ಲವೆಂಬುದನರಿತು ಮಕ್ಕಳ ಬೌದ್ಧಿಕ ವಿಕಸನಕ್ಕೆ ನೆರವಾಗುವ ಪುರಾಣೇತಿಹಾಸದ ಬಾಲಕರ ಕತೆಗಳನು ಮನಮುಟ್ಟುವಂತೆ ಹೇಳಿದಿರಿ; ಸಂಸ್ಕಾರ ತುಂಬಿದಿರಿ ನಿಮ್ಮಿಂದ ವಿದ್ಯೆ ಕಲಿತ ಪ್ರತಿಭೆಗಳೆಷ್ಟೋ ಇಂದು ವಿಶ್ವದ ವಿವಿಧ ವಲಯಗಳಲ್ಲಿ ಶ್ರದ್ಧಾಸಕ್ತಿಯಿಂದ ಕರ್ತವ್ಯ ನಿರ್ವಹಿಸಿ ಸತ್ಪಜೆಗಳಾಗಿಹರು ನಿಮಗೆ ಕೀರ್ತಿಯ ತಂದು ನೆಮ್ಮದಿಯಿಂದಿಹರು ಎಷ್ಟೋ ಏಕಲವ್ಯರಿಗೆ ದ್ರೋಣರಾದಿರಿ ನೀವು ನಿಮ್ಮ ಗುರುವೃತ್ತಿಯ ಅನುಪಮದ ಸೇವೆಗೆ ರಾಷ್ಟ್ರ ಮನ್ನಣೆ ದೊರಕಿ ಹೆಮ್ಮೆ ತಂದಿರಿ ನಾಡಿಗೆ
ಸಾಹಿತ್ಯ ಲೋಕದಲಿ ಅಸೀಮ ಪ್ರತಿಭೆ ನಿಮದು ಕಂದವೋ ವೃತ್ತವೋ ಷಟ್ಟದಿಯೊ ರಗಳೆಯೋ ಯಾವುದೇ ಪ್ರಕಾರದಲ್ಲಿ ಸುಲಭದಲ್ಲಿ ಬರೆದಿಹಿರಿ
